Da Kini is auf d'Nacht losgrittn zum Nachbarn: „Du, i dad bittn, daß du mia a Pfund Butter leichsd.“ Der schimpfd: „Daß du de fei schnäi schleichsd.“ Ja schbini, sogd da Kini.
Kategorie: Ja schbini, sogd da Kini
Da Kini und Ostern (2)
Da Kini sogd zum Osterhos:
„Du Osterhos, i sog da wos:
Wennsd wieda amoi Oa vasteggsd,
dann merk da guat, wohisd as legsd.“
Ja schbini, sogd da Kini.
Da Kini und Ostern
Da Kini sogd: „Wennsd Oa vasteggsd,
dann merk da guad, wohisd as legst.
An Ostern findsd sunst kaam oi Oa,
de meistnd findst im Rest vom Joahr.“
Ja schbini, sogd da Kini.
Da Kini und da Vizekini
Da Vizekini sogd: „Ja schbini.“ „Wos hoaßd do schbini“, sogd da Kini. „Dir gib i glei a schbini, Vize! Eahm schaug ned o! A so a Strize.“ Ja schbini, sogd da Kini.
Da Kini reitt
Da Kini reitt auf oam PS auf Schottland auffe nach Loch Ness. Des Ungeheia dad eahm sticka. Bloß 's Luada laßd se z'Fleiß ned blicka. Ja schbini, sogd da Kini.
Wer mi besticht
Da Kini sogd: „Wer mi besticht, mit dem hoid i ganz streng Gericht. Der wead vom Fleck weg inhaftiert - und s Gäid natürli konfisziert.” Ja schbini, sogd da Kini.
Da Kini und sei Königreich
Da Kini sogd: „Mei Königreich behandlt olle Menschn gleich. 'S Voik deaf se jederzeit beschwern und i deaf, wenn i mog, zuahean.“ Ja schbini, sogd da Kini.
Da Kini über Barfuaßgänga
Da Kini sogd: „A Barfuaßgänga, der hätt vo seine Schuah vui länga wos. Bloß hod a übahaupt koan ned, weil a bloß oiwei barfuaß gäd.“ Ja schbini, sogd da Kini.
Da Kini mog Rock
Da Kini sogd: „I mog Musik, am meistn mog i Rockmusik. Egal ob Moll oder in Dur, wenns d as laut aufdrahst, dann geht s zua.“ Ja schbini, sogd da Kini.
Banditn
„Wir kommen, um die Kronjuwelen, verehrter König, dir zu stehlen.“ Da Kini schimbfd: „Schleichds eich, Banditn! Wos waarn denn des fia neie Sittn!“ Ja schbini, sogd da Kini.
